A passu misuradu, eminas arteras
Isfilan in costume in sa carrera
Rappresentantes de sa Sardigna vera
Galanas nugoresas e oristeras.

Bellas tra tottu sas prus bellas
Riccas de gioiellos e colores
De sa terra sarda son sos frores
De su firmamentu 100 istellas.

De donzi bidda una pandera
In tottu su munnu dissizada
Semper vantada e ammirada
Est s’emina sarda in dogni era.

Podedas donz’annu illuminare
Sa esta manna ‘e su Redentore
Isfilanne in costume chin onore
A medas annos bos cherjo augurare.