A Sos Isposos Stevene e Annalisa
di Peppe Concas

Stevene Annalisa onzi momentu
passene in bonu sa vida serena
de fronte a sa zustizia terrena
osservande su sacru zuramentu.

Fattu de fronte a su Sacramentu
de Bachsi Santu cun fide piena
los’allate sa celeste vena
consolados de onzi nutrimentu.

Tottu su tempus felice e sanos
che oe unidos cun sinceru amore
umiles e bonos Cristianos.

Mai lis manchede s’umanu calore
li auguro ‘e connoschere chentu eranos
e dà poi su tempus in favore.

Bolotana, 20 giugno 2009