A sos mortos mios
de Salvatore Enne

Parentes mios da s'eternidade
Istanote a domo tottu enide
In sa coghina mia bos setzide
Trancuilloso cun comodidade

De su pagu chi c'apo bos bufade
Che chi sia presente bos servide
S'amore chi bos apo e i sa fide
A tottu Babbu e Mama sorr'e frades

In sa mes'agatades su piatu
Unu pagu e pasta c'at e pela
Pro chi restet onzunu sodisfatu

E Anna mia, un'anima neta,
Su postu chest a issa pius adatu
Lassadeli, est sa mia predileta.
____________________
Averto, su gaff’est apena fatu

Bolotana, 01-11-2012