A sos Poetas
de Salvatore Enne

Amigos e poetas paesanos
E sos de fora da sa idda mia
Pro bois so pregande su Messia
Chi bos lasset a betzos tottu sanos

Chi bos crescan sos nobiles arcanos
Dandebos pius forza in poesia
Cun mente frimma e bella fantasia
A zovaneddos e betzos decanos

Cun sa pinna e cantu pius costante
Prero siedas bois a d'onz'ora
Pro essire tott'ue trionfante

A su Messia e nostra Sinnora
Za los prego pro bois onz'istante
Chi bos crescat sa vena cantadora

Non nde lasset manc'unu menguante
Retzide de amore unu sinnale
Auguri a tottu e bonu nadale

Bolotana, 24-12-2012