T'istimo dai sa naschida e t'adoro,
oh terra mia!, arrida e sinzera;
bido sa zente tua tantu altera
ma puru tottaganta trista in coro.

Ischidadi Planargia e Logudoro,
Gaddura, Anglona cun Argentiera,
Barbagia, Eglesiente e zente attéra,
movídebos cun fide, bos imploro.

Bos bido dai s'altu 'e Gennargentu,
ispichende su olu tott'umpare,
anelantes de gloria e libertade,

mancada a bois dai su momentu,
ch'est bennida s'istoria a mancare
de sos runaghes, dae fundamentu.