A su Poeta Giuseppe Concas
di Gian Giuseppe Contini

Ciao zusepe iscusa ancora,
legidu apo sa tua in terzina
mancari da idda tua, sia luntanu e fora.

In mes’edade so a dolore ischina
Mancari no sia ainu de mola
e no porte in groppa, sacos de farina.

Mi naras chi ando chena sensu ola ola
mentuende Bolotana, Iscanu e Bosa
parede chi deo, no epe fatu iscola.

Si mentuadu apo s’ainu in prosa
no este po faghere su futi futi o criticare
intendere cheria versos tuos e de Rosa.

Chie poi este pigadu in cue a s’altare
de Tinnura fudi, unu ex ruju Sindigone
io chi in presse, as fatu as irmentrigare.

Deo ti parzo, chi epe fatu confusione
o chi no ische de padedda cundire cosa
ma cree, po saborire ponzo finas piberone.

A sa prima missa, andat tottu Alghero-Bosa
no solu Pianarza, ma puru su Montiferru
eco ispiegada a tie, tota cussa, santa cosa.

S’ainu l’ana presu in creja, in fritu ilgerru
su Predi ragliande intrè creja, lada intesu
ma lu assolvede, da viaggiu de inferru.

Su contu de su Predi Pianalzesu
este istadu publicadu in su giornale
finta faghes tue de no l’aere mai intesu?

S’ainu s’este imbrutadu in su piazzale
e deo no ti cherzo Concas criticare
no tin’de parzada a tie Poeta, tottu male.

De Tinnura tenides Dottoressa a bos curare
de Tinnura Dott. Sechi po dentes de casciale
cussu Sindigu - Predi no lu pudizis ascultare?

adiosu como, ispero epas cumpresu
a Renzo e a tie cherzo saludare
da Contini, su brullanu Flussiesu.

Bosa-Flussio 19/09/08