A tie
de Vincenzo Pira

App’a fachere de sa vida mia un’ ispricu
po poder ammirare cantu ses bella.
App’a fachere de su coro miu
sa domo de sa bellesa tua.
T’app’a istimare
cantu sas nues su chelu
cantu sos frores su eranu
cantu s’istade s’abba frisca.
App’a cantare su numene tou in tuttue
App’a iscurtare sas paraulas tuas
comente su mare
iscurtat dae sempere
s’istoria ‘e sa vida
de custa galana zenìa.