A Tie Mamma
di Tonino Fancello

Po sos chent’annos.

Aguri a medas’annos.

Naschida dae tempus furistera
de milli benes e de cosas raras
basandet una luna d’oro in laras
po favoriret cussa caminera.

O fada chi m’has dadu custa luche
e nove meses m’has trazad’in sinu
intendo sas campanas de s’ostinu
chi sonan festas chin s’eterna ruche.

E rides galu cantas ca ses bia
tocas su chentenariu ch’est de oro
a nottas chi nde grinan armonia.

Su tempus in sa cara su decoro
lassat in donzi prica ch’est a ria
pintad’a sentimentu intro su coro.