Rosa de sas aeras sa prus bella
reina prus arcana incoronada
luchente in s’infinidu che un’istella
solenne imperadora cuntenplada.

Amabile sa ruche‘e matripella
chi juches in su sinu tramandada
onzi peccadu ranchiu nos cantzella
po custa pache in terra ripudiada.

A Pasca t’ido semper dolorada
affabile perdonas su profanu
in vestes ses de dolu ses provada.

Ma cada sera cando in sa pasada
e a lampaluche prima su manzanu
t’intendo ses cuntenta in sa precada.