|
A tie, pedidore
A tie, pedidore,
ch’in muntonarzos chircas alimentu,
e disizas cheghentu
in sas dies prus frittas d’astraore,
a tie cherzo offèrrere
nessi un’azigu ‘e su chi dias chèrrere.
A cumpanza t’offerzo
sa luna, in una notte de incantu,
po ti dare un’accantu
de lughe, e in sos ojos tuos cherzo
pintare sos colores
chi tinghent s’oriente in sos albores.
E t’apporro a sa
manu
sos fruttos de sa terra prus sutzosos,
e fiores nuscosos
abbertos a su sole ‘e su ‘eranu.
E abba ‘e friscas benas,
ch’ismentigare faghet dolu e penas.
Unu lettu t’ammànio,
ca de drommire in terra ses istraccu.
Che fidele teraccu,
un’istàntzia intrea ti campànio,
ube agattes reposu
e nessi in calchi sónniu apas gosu.
E t’accumpanzo a
ue
de custa terra mires donzi ispantu,
e s’assuttet su prantu
chi calat da’ su chelu, ube una nue
ti cuat sas isperas
e de recreu serrat sas anderas.
De prus non poto fàghere,
ca fintzas deo in sa vida peleo.
Ma in s’amore creo
e po custu ti cherzo cumpiàghere,
po chi nessi una die
sa fortuna si mustret puru a tie.
|
A
te, mendicante
A te, mendicante,
che nella spazzatura cerchi cibo,
e desideri calore
nei giorni più freddi di gelo,
a te voglio offrire
almeno un po’ di quel che desideri.
Come compagna ti offro
la luna, in una notte incantevole,
per darti un pochino
di luce, e nei tuoi occhi voglio
dipingere i colori
che tingono l’oriente agli albori.
Alla tua mano porgo
i frutti della terra più succosi,
e fiori profumati
sbocciati al sole della primavera.
E acqua di fresche sorgenti,
che fa dimenticare dolore e affanni.
Un letto ti preparo,
perché sei stanco di dormire per terra.
Come un fedele servo,
ti riordino una stanza intera,
dove possa riposare
e provare gioia almeno in qualche sogno.
E ti accompagno dove
della terra possa vedere ogni meraviglia,
e si asciughi il pianto
che scende dal cielo, dove una nube
ti nasconde le speranze
e chiude i sentieri del sollievo.
Di più non posso
fare,
perché anch’io nella vita combatto.
Ma credo nell’amore
e per questo voglio accontentarti,
affinché almeno un giorno
la fortuna si mostri anche a te.
|
