A Tore e Minnia
di Giuseppe Concas

A tardu si ma no ismentigados
in s’iscrittu sos ringratziamentos
e pro tottu sos bonos trattamentos
cantu piusu menzus ospitados
e meritan d’essere onorados
sos bostros rispettoso’sentimentos
lucuru solu de amore veru
valorosos chi alen un’imperu.

Ite peccadu chi sa fortza mia
est diminuida da s’edade
m’agatto meda in difficurtade
a bos dare su chi cherres cheria
ap’unu cor’o Tore e Minnia
ch’ama s’amigu che sorre e frade
caru s’ammentu no che passa die
sentza pregare a Tore e a Tie.

Sa ‘ostra menzus est pregadoria
dare calore a un’antzianu
in s’ora chi s’agata pagu sanu
l’aumentad’in parte s’energia
caridade a li dare una manu
che cura ‘ona una maladia
boisi sa dote la tenidese
e su bisonzosu l’assistidese.

Gratzia cun sa conca faghes potto
no mest’in parte fisicu mancada
ammiro su chi retzidi e dada
bene su meritevole lu notto
in sa tzentrale est memorizada
sa die Santandria degheotto
parisi passada in cumpanzia
deo Luisi Ladu cun Maria.

Issos puru chi bos’istiman tantu
de sa bon’amigansia sintzera
che a mie sa propria manera
su valore ‘ostru zuttu a bantu
cun duna Sacra Santa Preghiera
invoc’amuso s’ispiritu Santu
de bo lassare felitzes e sanos
che San’Antoni chentechimb’eranos.

Bolotana, 03-12-2011