Unu manzanu m’as fattu unu presente
Chi tenzo in bella mostra galu como
Paren protettores de sa domo
Guardianos anticos veramente

A mama e fizos dedicadu
Iscrittu in s’argilla permanente
Pro tennere semper in sa mente
Sa “barbarica amicizia” chi m’has dadu.

Tenes fama de illustre iscrittore
Ca de bell’ intellettu ses dotadu
Dae Ulisse s’astuzia as imparadu
Sos libros t’an dadu gloria e onore.

Sos alunnos t’ammentan professore
E chin affettu ti tenen in su coro
De perlas ne lis as dadu unu tesoro
T’istimo e non t’irmentico Karrone.