Isparghes velenu dae tantas dies
Iscrienne fake news in su giornale
Chin s’istrionica ironia abituale
De sa sort’ e sa zente tinne rides.

Tenes una maschera pro cara
E non dimostras peruna emozione
In sa bida as fattu promozione
A una politica chi no est mai crara.

A lintas as cossumidu su caminu
E como t’an fattu direttore
Ses vile e non tenes pudore
E ses una serpe in donzi sinu.

Consideradu dae sas retes nazionales
Irbabas chin chie est su prus forte
Ma non sichis mai s’issoro sorte
Canno perden e toccan sos unnales.

Tenes semper unu protettore
Lu podimus tottu immazinare
Sos babbeos chircas de gabbare
Ma de s’istampa ses su disonore.