| Po
sa sua dispedida
Boladu ti che ses Zuanni
Perria
pro torrare a dom'e su Segnore
lassande tottu nois in su dolore
orfanande Sardigna e Narbulia.
Saludadu as Zuanni custu
mundu
traessandelu cun dignidad'e onore
zirande sa Sardigna tottu in tundu
pro presentare cantigos de amore.
Como ses torradu a su Segnore
pro istare in paghe e armonia
e retzire 'e Issu meritada istrina.
pro s'operadu tou in custa
nuina
saludas cun grand'onore Narbulia
abarrande pro semper in su core.
___________
Esimiu e apreziadu professore
ti ses bestidu de ateros pannos
distintu a fiancu de sos mannos
as dadu lustru a sardu folklore.
Carignadu de una manu santa
a sa ribalta elevadu cun onore
una chiterra e bogh'e cantadore
in sa rassigna e Sardigna canta.
Nobilidadu a tue sardu
cantu
cun bravura amore e maestria
ligande su lumene de Perria
a rusignolas boghes de ispantu.
Ilartzi su
9 de Sant'Andria 2018 |
