Fala chi potzas dare a sos traìnos,
no urrida sa ortza in su colare,
no escias mai in messu a sos caminos,
inat su dannu e bastat s'ammentare,
chi tue rughinadu has ustinos.
Abbas, proghìa e bonu semenare,
siat cuntentu pastore e su massaju,
e bonos fruttos da inoche a maju.

Si no isco sos tempos de s'annatzu
perdonade, chi sichit tottu s'annu,
su terrinu l'issettat che abbratzu,
e finat in tottuvhe cust'affannu,
inuvhe b'hat siccagna est su seccatzu,
sa rughina, su pejus de malannu.
Ma Deus como narat: che-l'aggabba!
Beneìtta po tottu, a bois s'abba.

Iscussade sos irpallo e su thoppighine de sos vhersos… non sempere sas rimas iscurrene comente dia cherrere, che abba in sos trainos, lena ma sempere bunnantziossa.

Nuoro, 05 settembre 2015