Ajò in Anglona
Vittoria Cazaghe

Ite bellu su giru de s'Anglona
partidu dae idda e Zaramonte
cussa turre mirende in su monte
chi paret de su logu sa padrona
dai sempr'inie es che una matrona
dai sette sécculos ancor'in ponte
fortezza situada in altura
simbolegiat chissà cale natura.

Dai Zaramonte a Perfugas so andada
bellesa sos nuraghes de sa zona
su puttu sacru mezus se s'Anglona
sa chegia e Santu Giolzi segnalada
fatta in trachite ruia sa fazzada
chimbanta bator taulas pro corona
su ch'happo idu este un'incantu
orgogliu de sa idda tottugantu.

"Monte Elias" e sa "Valle e s'inferru"
sos de Tergu los tenene a bantu
ma sa pius meravizia e ispantu
e sa turre in chegia a inserru
sas campanas chi sonan'a disterru
chi pro sa idda suni un'incantu
sa Via Crucis ch'agatas in s'istrada
un'opera dai Chessa iscolturada.

In Laerru mifrimmo, ite cuccagna
pro me tottu bellesa e cuntentu
dai sas chegias finas su monumentu
sa "rocca rutta" e sa "rocca manna"
sempre irde non timende sicagna
e fiorida es totta sa campagna
innoghe agatas su divertimentu
cha sa zente es sempr'in movimentu.

Casteddu Sardu bellu e solare
in altura sa sua zitadina
chi fraigada est' in sa codina
ispigendes'a s'abba e su mare
invitende sa zente a si bagnare
in sa limpida abba cristallina
friscu su pische de ogni zenia
profumat ristorante e tratoria.

Bellesas e nuraghes in tot'ue
nachi Nulvi n'he contada ottanta
in mes'a sa natura tottaganta
ba chegias campestre rue, rue
sos montes bellos sun tottu igue
a "Monte Alma" arrivis canta, canta
regnu e sos bentos es "Monte Entosu"
ma mandighende este unu gosu.

Ogn'annu riunis zente a gala vera
in su campu poleobotonicu a festeggiare
cun piatanzas de poder deliziare
pro sa festividade e primavera
Martis de custu andande fiera
recuin dai ogni parte a t'onorare
ses ospitale in dogni ricorrenzia
dai cand'arrivin fin'a sapartenzia.

De bellesa ses piena pro natura
Sedini dai tottu ammirada
intro sa rocca paret pitturada
sa "Domu de Janas" pro figura
pro sos turistas vera ermosura
che Dea ses'istada immortalada
Desole e Pusceddu ammentende
sas melodias paren sian cantende.

A est sas montagnias de Limbara
a nord-est sa valle de s'Anglona
tottu sos montes li faghen corona
de melalidone e mirto circondada
ses de fauna e flora incorniciada
chie t'idet n'he restad' incantada
Erula de bellesa naturale
comente a tie non beste s'ugnale.

Ajò in Anglona semus terminende
a Valledoria logu importante
su vinti luglio chi pro s'emigrante
gust'e piaghere li sun procurende
in sas'istradas andend'e assaporende
delizias pro tuttu abbastante
undi la realtà e palti dun sognu
de la vivere ognuna a bisognu.