Albeschinde in Palestina
di Pierangelo Orgiu

Anonimas frombolas

imbolanta perdas rubias
de tirria e tristesa

su chelu su sambene e sas animas surdas
hant leadu su colore de su ludu

sonniande unu paradisu
bivente s’inferru
mannos e minores
populu senza ‘e patria

isparada unu sordau
e n’che ruede mortu issu puru

como sa terra su chelu e sas animas zegas
hant leadu su colore de su sambene

sa notte non tenede istellas
ma lampos de bombas e de odiu

sa zente narrat chi sa poesia
non pozzat naschere intra ‘e sa gherra

ma unu poeta bezzu ripitidi istancu
sos versos iscrittos
in custa notte de orrores

foras albeschende
in s’aria bianca e ruja
e su chelu
nde furat sos colores
dae sos ojus de unu pizzinnu

colores de vida e libertade.

Primo Classificato al XIII Premio di Poesia “Città di Iglesias” anno 2011