|
Cuccagnas
de ferru han' inziffidu
e dai sa pinnetta, a trampa,
mi ch'hana jagaradu ! …
pro una olta ancora
s'urulu de s'attittu
no' ada agattadu orias
cando, de custa terra fin' bocchende
su sanu sou sentidu ! …
Cun anticorju coju cun
su mare
haian' fitzadu andainas ladinas
pro a bonu pròu soltes
… de imbiccare:
e mitzas de lanosas chilivrinas,
podian' nadare lebias in su 'ilde
iscrocchende fiottos de latte
in millli ‘enas;
e ispejos bios de paulas
lughìana pintirinados
de gent'arrubia' anzena;
e fittianu fit su consolu
de arenarzos e roccas
in friscas allingadas bronettinas.
Ma bandulana como sas isperas
de "arvaros boidos" ch'han' catzadu
limbas infogadas de attediu
cun animu de istridiu e de lua
a custa "tratta" 'e terra,
isfattendesi poi in fumenta
pro infrainare s'alenu de su chelu
e han' cumpridu; …chendza
mai cominzare.
In "sa tratta'e s'andalia"
torra' comente sempre su ‘agghjmu
cun chelvias
chi a sa muda imbritzioladas
s’abbana su nicciu
iscosciadas pro s'abbratzu
a semenzas insoro;
in beranu,
no' appe' pius a intendere s'attittu
app'hae’ bonu .. in coro!?!
Febbraio
01
1° Premio
al Concorso nazionale di Poesia in dialetto "Vie della memoria
- Vittorio Monaco" XII Edizione.
Colledara,
30 Settembre 2023
|
