Chin su dissizzu tou non bi passo
sa notte mi pienat de arsura
venis in sognu piena e lucura
sognenne a tie su reposu lasso

leppia e frisca che abba currente
chi bagnavas sas dies de incantu
gestos e voches deliru e piantu
a mie vattis a coro e a mente

Sonos lontanos d’isteddos serrados
intro e mente mi sun morichenne
fozzas dae sos ramos sun falenne
vio nidos d’amore abbandonados

Morin sa aes s’annuat su chelu
sa vida morit non dat prus ispantu
senna sos mortos de su campusantu
paren istraccos sutta cussu velu

Ruttos sos sentimentos sos dissizzos
mortas sun sa fiamas de su die
bios de coro distruenne a mie
garrighenne mi sunu de fastizzos

Maju, 2015