Ammirende custa dea,
sa persona appo in faltizu
Giagumina a s'assemizzu
a Venus e Bersabea.

E in issa si recrea
ogni umana criadura;
issa es bella, casta e pura
che una rosa in su rattu.
De Minerva su ritrattu
e de Pandora su visu,
a de Diana su risu,
attrattivu in d'ogni cosa,
a sas massidas de rosa,
sas laras de violettas;
istellas e pianettas
tottu li forman corona.
Issa in mesu che matrona,
dai tottu este esaltada,
pro una sola mirada,
sempre la giuto in bidea.

Ammirende custa dea,
sa persona appo in faltizu
Giagumina a s'assemizzu
a Venus e Bersabea.