| Amo…
Amo sa vida e penso
a cantu ‘e bonu issa m’at mustradu
in sos annos colados,
cando ricchesas mannas m’at donadu.
E prendas e siddados
de m’assentare in coro mai senso.
Amo sa terra mia,
ube sos passos como ancora isterro,
in su logu connottu,
ube sas giannas mias mai serro,
ca lasso intrare tottu
su chi su fadu perdet in sa ‘ia.
Sa lughe a primu albore,
cando su sole ischidat donzi vida,
issa puru m’est cara;
e su nuscu ‘e sa rosa fiorida,
cun s’ermosura rara,
a s’abréschida infusta de lentore.
E custos battor muros
fattos de ludu, pedras e suore,
fintzas a issos amo,
ca de sa domo mia an su sabore,
e àteru non bramo,
ca mi dan pasu in tempos goi oscuros.
Non t’ismentigo,
no…
ca non poto de te fagher a mancu;
sa vida ch’est colada
cun tegus sempr’a costas, a fiancu.
Cantu t’apo istimada…
e disizosu ‘e te ancora so.
Ma su tempus de oe
in ojos non mi lughet prus che tando,
e a issu dimando
chi ticcos de amore ancora proe.
|
Amo…
Amo la vita e penso
a quanto di buono mi ha mostrato
negli anni passati,
quando grandi ricchezze mi ha regalato.
E gioie e tesori
non smetto mai di riordinarmi nel cuore.
Amo la mia terra,
dove stendo ancora i miei passi,
nei luoghi conosciuti,
dove le porte mai chiudo,
perché lascio entrare tutto
ciò che il destino perde per strada.
La prima luce dell’aurora,
quando il sole risveglia ogni vita,
anch’essa mi è cara;
e il profumo della rosa fiorita,
con la rara bellezza,
all’alba bagnata di rugiada.
E queste quattro mura
fatte di fango, pietre e sudore,
anch’esse amo,
perché della mia casa hanno il sapore,
e altro non desidero,
perché mi danno riposo in tempi così oscuri.
Non ti dimentico, no…
perché non posso di te fare a meno;
la vita è trascorsa
con te sempre vicino, al mio fianco.
Quanto ti ho stimata…
e ancora ti desidero.
Ma il tempo di oggi
non mi risplende negli occhi come allora,
e ad esso chiedo
di poter provare ancora un po’ d’amore. |
