Amore a tottu
di Giuseppe Concas

Sos chi sun de natura isfortunados
est caridade cando los assistiti
si cun corazzu su male resistiti
benin’in s‘eternu premiados

sos chi a fagher bene sempre insistini
a confortare sos iscunsolados
cun sinzeru amore preparados
che-i sos santos ch‘in su chelu esistini

sos chi bene e male si han divisu
umanamente in sa soziedade
asseguradu si han su paradisu

ca sa richesa cun sa povertade
s‘est abbinada a compitu precisu
a viver bene su frade cun frade.

Bolotana su 14 de Santu Aine ‘e su 2005