Andau s’ich’este
di Maria Rosa Cugudda

A sa mente mi torranta
sas parolas chi mi solia naere
“Babbu s’ich’este andau”
e das iscurtaio cun diversas origas.

Cando das naias
mi pariant unu modu de naede,
foeddos po che faede passade su tempusu.

Oe, ca de bucca non ti ch’essiri
mancu unu foeddu,
prus potentes das intendo
e cumprendo c’andau non che sese,
ma bivese pro sempede in sa mia vida!