Andrea s’arrusinniolu
di Salvatore Usai

Po Andrea Parodi

Fiat po obresci. Sceti una stella in celu
no si nd’est bofia andai cun is atras.
Est abarrada passientziosa a t’abetai,
issa sciet chi fiast po arribai.
Candu su soli iat passau de pagu s’orizonti
festis a su costau ‘e pari: tui e Maria*:
duas boxis, duas stellas chi ant’ a luxi
po sempri in su firmamentu
e in is corus de chini s’at pòtziu ascurtai.
Sa maladia no at bintu sa melodia
chi ti bessiat cristallina de s’anima.
Fintzas a s’urtimu, in s’anfiteatru
prenu de genti cumòvia,
chi po una borta no at bàtiu is manus
sceti a su cantanti, ma a s’òmini coragiosu,
ses arrennèsciu a arregalai emotzionis
e unu grandu imparamentu de vida.
Teniast in pitzus sceti unu pillu de peddi frunzia,
is ogus chi ti preniant totu sa faci,
pagus pilus biancus invecis de sa cabelliera de una borta.
No fiast prus su stori cun box’e arrusinniolu,
su nuragicu cun bisur’e gherreri,
ma un’òmini chi teniat sa morti a su costau.
No as trèmiu, d’as nara abeta e issa at abetau,
d’as pigara a bratzetu e impari eis cantau.
Totus d’anti bia, casi dispraxa de ti ndi depi pigai.
Tenemus is ogus ùmidus e su coru unfrau
e candu sa boxi at incumenzau a si spainai
in cuss’ària càrriga de incantu,
a pagu a pagu est-i sparessia dònnia tristura
e prexaus femus e tui fiast prexau.
E fortzis totus bolemus: tui e nosu,
chi cussu merì no essit mai passau is làcanas de su tempus.
Imoi, sa musica est acabada, is luxis si funti studadas,
in pitz’e su palcu est calau su scuriu prus nieddu.
No t’eus pèrdiu Andrea e tui no s’as a perdi mai.
* Maria Carta

Salvatore Usai

^^^^^^^^^^^^

Andrea l’usignolo

Dedicato ad Andrea Parodi

Stava per arrivare l’alba. Solo una stella in cielo
non è voluta andar via con le altre.
E’ rimasta pazientemente ad aspettarti,
lei sapeva che stavi per arrivare.
Quando il sole, aveva passato da poco l’orizzonte
eravate uno a fianco all’altra: tu e Maria:
due voci, due stelle che brilleranno
per sempre nel firmamento
e nei cuori di chi vi ha potuto ascoltare.
La malattia non ha sconfitto la melodia
che ti sgorgava cristallina dall’anima.
Fino all’ultimo, nell’anfiteatro
affollato di gente commossa,
che per una volta non ha applaudito
solo il cantante, ma l’uomo coraggioso,
sei riuscito a regalare emozioni
ed un grande insegnamento di vita.
Avevi addosso solo uno strato di pelle aggrinzita,
gli occhi che ti riempivano tutto il viso,
pochi capelli bianchi invece della chioma di una volta.
Non eri più l’astore con voce d’usignolo,
il nuragico con aspetto da guerriero,
ma un uomo che aveva la morte al suo fianco.
Non hai tremato, le hai detto aspetta e lei ha aspettato,
l’hai presa sottobraccio e insieme avete cantato.
Tutti l’hanno vista, quasi dispiaciuta di doverti portar via.
Avevamo gli occhi umidi ed il cuore gonfio
e quando la voce ha cominciato a diffondersi
in quell’aria carica di incantesimo,
lentamente è sparita ogni tristezza
ed eravamo felici e tu eri felice
e forse volevamo: tu e noi,
che quella sera non avesse mai superato i confini del tempo.
Ora la musica è finita, le luci si sono spente,
sul palco è calato il buio più nero.
Non ti abbiamo perduto Andrea e tu non ci perderai mai.