Animale areste
de Silvestro Loddo

Est bestida cun peddita
in su tuju totu posta
e si faghet s'imposta
bogat fora sa conchita.

Cando rendet sa visita
(totunduna issa est tosta)
a innante e a segus s'isposta'
spruzend'abba benedita.

Est istrana sa mania
faghet lestra su rituale
pustis tocu piùs non dada.

Calchi 'olta, ispozada,
pod'istare fines male
ca li benit maladia.

Su 15 de maju de su 2004