Sa Tirannia

Mudòres innossèntes
chene timoria,
fudichinande
in sos cuzones
de su coro.
Sapores fortes
mi crompene,
de misteru
e de illusiones.
Isettat sa sorte innedda,
s’òmine isporau
no intendet dolore.

Nugoro, deo ti cumprendo
e t’intendo in cust’iscuricòre.

Triste su coro meu,
pedindemi,
e perdendemi,
in d’una dimensione
chi paret una presone.
Animu nugoresu,
chelu cuzicau
de s’anima mea,
ti bio e t’ascurto.

Prugherarjos de pache,
muros de carchina,
sos ammentos.

1° premio conc. poesia Anselmo Spiga” Cuncambias” San Sperate CA 4 Agosto 2013