Antigos ranos
Est longu cust’ilgerru;
ch’est ingullinde fintzas cust’ ‘eranu,
cun sas dies prùs tébias.
E mudu est isettande cussu ranu
chi semenadu, lébias,
an in sa terra manos in disterru.
E longa est custa vida,
mancari cun su tempus lestra colet,
trazandesìche tottu,
foras de custa pena chi mi dolet
e ch’abbarrat ettottu
intr’ ‘e su coro, in chirca ‘e un’essida.
E disizand’ ‘e sole calchi
die,
miro su chelu oscuru,
pòberu de sas lughes chi disizo,
inube so siguru
chi calicunu b’at, ca mi nd’abizo,
ma chentz’ischire chie.
Ma custu mundu gregu
m’imbòligat sa mente in sa tristura.
In custa soledade
intendo su sabore ‘e s’amargura
de custa umanidade,
ube onzi die s’òmine est prùs tzegu.
Sol’un’ispera, tando,
mi dat cunfortu e mi regollo istrinta,
cumpanza ‘e custas dudas.
De sos colores betzos iss’est pinta
de sas carrelas mudas
ube curria, non m’ammento cando.
E de dulcura sos antigos ranos
remuno in custu coro,
avansados da’ cando donzi abréschida
fit una lugh’ ‘e oro;
cand’ onz’ispera frisca, appena créschida,
carignaia in manos.
De custos ranos, nessi calicunu
lu cherzo semenare
in d-una terra nuda, ube niunu
che lu potat siccare.
|
Antichi
granelli
E’ lungo quest’inverno;
sta inghiottendo anche questa primavera,
insieme ai giorni più tiepidi.
E silenzioso aspetta quel seme
che seminato, leggere,
han nella terra mani in esilio.
E lunga è questa vita,
nonostante passi veloce con il tempo,
trascinandosi tutto,
tranne questa pena che mi addolora
e che comunque resta
dentro il cuore, cercando un’uscita.
E desiderando qualche giorno di sole,
guardo il cielo oscuro,
povero delle luci che desidero,
dove son sicuro
che c’è qualcuno, perchè me ne accorgo,
ma senza sapere chi.
Ma questo mondo avaro
mi avvolge la mente nella tristezza.
In questa solitudine
sento il sapore dell’amarezza
di questa umanità,
dove ogni giorno l’uomo è più cieco.
Solo una speranza, allora,
mi conforta e mi conservo stretta,
compagna di questi dubbi.
Essa è dipinta dei vecchi colori
delle mute strade
dove correvo, non ricordo quando.
E gli antichi granelli di dolcezza
conservo nel cuore,
avanzati da quando ogni alba
era una luce dorata;
quando ogni fresca speranza, appena cresciuta,
accarezzavo tra le mani.
Di questi granelli, almeno qualcuno
lo voglio seminare
in una terra nuda, dove nessuno
lo possa rinsecchire. |
