Aranzu ruju
di Giovanni Fiori

E fut ispaneschende… 1

Una fitta ‘e chelu
in-d unu sinnu2 mùrina s’est fatta.

A s’isprammu, 3
che bide in more sua 4
s’ànima sambenende
hat lagrimadu.
Istremuttida.5 Muda…
E hat timidu.

Oh! Tue arantzu ruju
atzesu in tenajos 6 de luna murada 7
abbertu in mesania
cun succuttos de latte primmadiu.

Istanotte non pasat
s’usciareu imprateadu
no istrippizat sa crabola ‘e olostru
a s’isfunada
in begantios 8 de ua fiorida…

E has a benner tue
a repiccare ischìglias addolimalzadas
a murmuttare anninnìas de ispera
in giógulos de trigu integhende… 9

Ah, lizu ledre ledre! 10
Ah, isticcu in carres mias
appenas brionidu! 11
Deo t’hap’a bardiare 12
cun manos che pane in sa mesa

pro t’imprendare attrivos 13 de amore
e de bellesa
chi duren
cantu sas dies duran.

Eallos! Eallos!
In altu a fiocchittos solianos
sos anzones de Pasca gioghittende…

Hat lagrimadu s’ànima
calpida in-d unu sinnu 14
a manchingannu… 15

E fut ispaneschende.

_______________________________________
1 ispaneschende, ispanescher - albeggiare, il sorgere dell’aurora; da ispanu: di colore rossiccio.
2 in d’unu sinnu - in un attimo; improvvisamente.
3 isprammu - spavento molto forte, paura.
4 in more sua - prossima al germoglio.
5 istremuttida - sgomenta, atterrita; impaurita.
6 tenaju, tenaghe - gambo della frutta, picciolo.
7 murada - livida (non chiara); è superlat. di azzurro: biaittu muradu
8 begantiu - “radura in un vigneto”; fascia di terreno non coltivato ai margini di una vigna, un oliveto, ecc..
9 integhende - in maturazione; da tega: baccello; involucro del chicco.
10 ledre (ledre) - esile, fragile; tenerissimo, delicatissimo.
11 brionidu, brionire - germogliare, gemmare.
12 bardiare - salvaguardare, proteggere, difendere.
13 attrivu - ardimento, audacia.
14 calpida - ferita, trafitta; da calpire, caspire: fendere, ferire
15 a manchingannu, espressione gergale - in modo inaspettato, imprevisto, quasi a tradimento.

1° Premio al Romangia – 2006