Area Purpurinas

Ilghitidu de pestilenzias
in lughidas umbras de mesa die
ruene sas tumbosa cussenzias
c'ana ifidiadas fertu a tie

Dae pestilenzias ilghitidu
fertu rues in s'aposentu e preda
cale son sos litos chi t'ana idu
padentes chi costoin prenda

No t'ana idu subra e montes
o colende in jannas de arghentu
o in terras laoradas o cortes
logos disabutos de pessamentu

in custos logos no bidias sinnos
ne bandelas de erenzias ghertadoras
chircadu as prantones prus innidos
po iferchire puas de isperas

alvoradu s'est solu su pessamentu
in tentos bisos e mannos isetos
agabados in cussu corpus fertu
laore e zenias, fizzos de ghertos

baccoddi si aiat rimpuddidu
in custas immentigadas camineras
su frore e s'anna e logu truncadu
o frinas pro mover noas bandelas

si sa tratta aeremus intesu
de su tou travigare lepiu
chin sas campanas su fogu inchesu
a nos caentare su coro tebiu.

Ma astradu intemperiu mustrada
sa terra dae una losa carpida.

27.06.04 Giuanne Chessa

Nota - Può essere che ogni possibile pensiero condiviso muoia i noi sardi, quando il risultato di questo "possibile" legame è la nascita di un nuovo potere?
Le risultanze positive di una lotta sono per noi strettamente personali e come tali ne usiamo "personalmente" il potere, indipendentemente da quanti abbiano contribuito a tali positive conquiste?.
Rimane solo il pensiero?