| Arressignu
Scis poit’est
chi no si lùxint prus
is ogus a nosu
e is trempas
si sunt sfridadas?
E scis poit’est
chi proina de follas ingroghias
at donau cabori
a s’atòngiu nostu?
Ti nau carei…
Est totu po s’arressignu scioncu
chi custa cilixia
accabbada me is lavras
de s’amori nostu
no s’indi scilla mai.
Marigosu est s’abetu
chi no si torrat sceda
e chi intzurpat
is dis chi passaus
a proponis in su scuriu
po sa timoria
de s’inci pèrdiri.
E si sunfrit
po icustu
comenti chi tenèssimus
abbisòngiu sceti
de làgrimas. |
Rassegnazione
Sai perché
non ci brillano più
gli occhi
e le guance
si sono raffreddate?
E sai perché
pioggia di foglie ingiallite
ha colorato
il nostro autunno?
T’assicuro che è così:
è per la stupida rassegnazione
che questa brina
finita sulle labbra
del nostro amore
non si sciolga mai.
Amare è l’attesa
che non ci dà risposte
e che acceca
i giorni che trascorriamo
brancolando nel buio
per la paura
di perderci.
E si soffre
per questo
come se avessimo
soltanto bisogno
di lacrime. |
