Arvera, de sa fide cantadora
sienda de finesa in su dolore
ses inoghe de grascias tessidora
affettuosa istella protettora.
Mira sos ch’in sa cara han su suore
ferida aberta in tantu iscurigore
ue su pane hat vena dolidora.
Che nd’hat dae totue… in su coro
d’ammentos e de lagrimas han velu
in disizos de sole e de calura.
Beneighelos totue: sun tesoro
de custu mundu e siendas de su Chelu:
s’anima lis aunda de lugura.