66° compleanno Andrea Columbano

Tanti auguri Andrìa
a cent'anni prolungabìli,
sempri tranquillu e abìli
fenditi li cosi tòi
e a maggju siddhu pòi
renditi dispunibìli,
farè una cosa infallibìli
pal te veramenti nòa,
ti mettarà a la pròa
la pazenzia c'arè
però ài a vidè
chi ti piaciarà tàntu,
sarà pal te unu'ncàntu
una cosa cussì càra
arrèa Maria Chiàra,
ti farà turrà istèddhu
eu cussì ti faèddhu
palchì l'agghju già pruàtu
e no me isminticàtu
e no m'isminticarà mài.
No lu dimostru lu sài
agghju'n carattiri stranu,
ma cand'agghju presu in manu
lu me primmu niputèddhu
me mancatu lu faèddhu
pa la tanta emoziòni,
e abà li frutti bòni
propriu iddhu li dà,
chi cosa beddha sarà
siddhu ci saragghju ancòra
candu venarà chiss'òra
di idella ancora èu,
però precu sempri a Dèu
di fammi chissu rigàlu,
no agghja mai màlu
ne iddha ne tutti 'òi
ne cand'arrèa e ne pòi,
siati sempr'in alligrìa
tutti espansivi e affàbili
tanti auguri Andrìa
a cent'anni prolungàbili.

Olbia li 03-03-2014

Premio speciale (targa Antonio Corda) riservato ai poeti locali al Premio “ Caragnani” - Calangianus il 12-03-2016