A Giampiero e Francesca

Gianpiero e francesca, cuss’amore,
Chi prommissu bos hazis e giuradu
In s’Altare Mazzore Cunsagradu
Este d’indescrivibile valore.

In su tempus presente e benidore
Gelosamente siad cunservadu,
In su bene e su male supportadu
Pro cantu bos dat vida su Segnore.

Bos godedas s’amore santamente,
Comente duos bonos cristianos,
Ca lu prevedit sa Sacra iscrittura.

E generedasa a bostra figura,
E a piaghere, bellos fizos sanos,
E passedas sa vida allegramente.

04-09-2016 (olanda)