Augurios de Bona Pasca 2011
di Serafino Putzolu

A sos caros amigos Luisu e Maria Ladu de Bolotana

Caros sa nostra antiga religione
Pone torra su Golgota in iscena
Sa chida Santa cun sa passione
Cun Cristos incravadu e mortu in pena

Ue an prantu addoloradas cun resone
Veronica Maria e Maddalena
Ma Cristos forte in sa resurrezione
Binche sa morte in s'opera terrena

Pro cust'amentu de tempos lontanos
S'istoria sempre narada a pregare
Cristos resuscitadu unicu ebbia

Pro cussu Bona Pasca augurare
Bos cherimos o Luisu e Maria
Sempre isperande de nos biere sanos
____________________

E Peppe Concas s'amigu siguru
Sos nostros augurios rezza puru

Courbevoie Arbile 2011