Augurios de Bona Pasca a Luigi Ladu de Bolotana
di Serafino Putzolu

Torra custa festosa occasione
Pone tottu Parigi in movimentu
De Cristos vida pena e passione
Sa via Crucis cun s’iscravamentu

Pro dogni cara istimada persone
Ti enit unu bonu pentzamentu
Pro Pasca Santa e resurrezzione
A sos pru caros si manda s’amentu

Gasi in custa festosa chida Santa
Cun Cristos mortu e resuscittadu
Chi s’istoria nos faghede amentare

Bonas Pasca bos chelzo augurare
Caru Bolotanesu amigo Ladu
A tie e sa famiglia totuganta

Courbevoie su 9 Arbile 2009