Augurios de Bonas Festas
di Serafino Putzolu

Tottu sas campanas Pariginas
Pro sas festas mi parene attonadas
Presepios in cresias e in vitrinas
D’an fattu mannos bellos cun arcadas

Ristorantes Albergos e Cantinas
Preparana sa bevandas prus famadas
Custas festas amentana sas dottrinas
Pentzare a sas pessones istimadas

Che bonu amigu in pentzamentu mannu
In Nostra Dama denanti a S’Altare
Prego Gesû Bambinu ei sos Santos

Cuntentu forte e bos augurare
Bonu Natale e felice Bon’Annu
Cun salude e fortuna a totugantos

Courbevoie NADALE 2007