Salude morale e vida sana a tottus

Ca su tempus che passat che su entu
Sas Festas dae nou sun presentes
Tottu Parigi és postu in movimentu
Cun sos bellos antigos ambientes

Ogni prazza ogni via o monumentu
Sun tottus illuminados e lughentes
Cresias Cattedrales cun appentu
Presepios preparana eccellentes

Pro chi cheppada decoro fattu in mannu
Non bos podimos mai ismentigare
Ischinde chi sa Vida in terra est’una

Bos cherimos che sempre Augurare
Bonu Natale e felice Bon’Annu
Cun paghe vera salude e Fortuna
____________________________
E da Parigi mancari lontanos
Festade bene e a nos biere sanos

Courbevoie Natale 2015