In Sardigna ogni ’idda at unu nuraghe
ma sos candhaleris los ant ebbia Piaghe,
Tàttari, Nulvi e Iglesias in Campidanu.
In custos logos a Mesaustu si ponet manu

a-i custos chereos mannos e pesantes
chi essint pro ammentare a sos abitantes
(narant sos libberos) chi sa peste una ’olta
tzente meda cundannaiat a esser molta.

Sos chi ant evitadu sa moltale maladia
sos candhaleris pro ringrasciamentu
ant fabricadu, de propositu non lèbios.

Dunca, cando est Mesaustu sos augurios
deo, piaghesu, los fatto cun custu ammentu
augurende de lu passare in bona armonia!