Auguriu
de Antonio Altana

Un'auguriu de prontu saludu
t'imbio prima 'e totu; e non bi torres
a t'immalaidare e ti ch'acorres
a Pesdemonte, lassendennos solos
si no, a nois sardos rimajolos
s'impantamat su versu in mesu ludu.

Pro cussu chilca ateros ismulzos
e bi lis lassas cussa bagna cauda,
bufa monica e barbera lauda
e torra pro crabitu e fiore sardu,
mira chi cussos an s'antigu azardu
de ti dare cassolas de ilvulzos.

E non bi lasses nemmanc'unu chilu,
gia furein bastante in su passadu;
ca si cheren sustantzias de Ladu,
sinde fatana unu piemontesu.
Tue pro cussu, mantene-los atesu
mustrende de Pattada lama a filu.