Bòlidus
de Rosanna Podda

Ita bòlidus eus fatu nosus
si pariat de arribai a celu
asub’e sanzianeddas
apicadas a su bentu.
Ita scimingiu tenemus nosus
lèbius, castiendisì
imbriagus di amori.
Ita passus impressìus
ponemus, currendi
a coru bogau
senz’e bì’ s’ora
de s’agatai a pari.
Ita amori mannu
eus lassau nosus
pinnichendi dònnia bisu
scarescendi basidus
e schirìngius di arrisu.
Pensendi, de depi donai contu
crèendi, chi no fessit cussa
sa parti a nosus destinàda
in su teatru falsu
de sa vida.
No at a essi’ stetiu…fortzis,
chi apu bolau a sola,
bisendimì a manu pigada
e acatendimì ancora indromiscàda
di essi’ fatu bòlidu’e babaiola.

Voli
Che voli abbiamo noi,/ci sembrava di toccare il cielo/sopra altalene/appese al vento./Che stordimento avevamo noi,/leggeri, guardandoci /ubriachi d’amore./Che passi affrettati/mettevamo , correndo/col cuore in gola/senza veder l’ora/di essere insieme./Che amore grande/abbiamo lasciato noi,/ripiegando tutti i sogni,/dimenticando baci /e sorrisi./Pensando, di dover dar conto,/credendo, che non fosse quella/la parte a noi destinata,/nel teatro falso /della vita./Non sarà stato…forse,/che ho volato da sola,/sognandomi presa per mano/e accorgendomi ancora /assonnata, d’aver fatto volo di coccinella.

2° Premio “ Laguna “ – Elmas 2003
1° Premio “ Mercede Mundula “ – F.I.D.A.P.A. Cagliari 2005