Babbu e Mama

Babbu e mama bos amo e adoro
comente amo e adoro a Deus
ca penso chi in totu s'essere meu
b'est de vois s'amore, anima e coro.

E d'esser fizu'ostru minde onoro
ca m'azis dadu in vida 'ogni recreu,
pro me balides unu mundu intreu,
in bois bido su menzus tesoro.

E non bramo cos'atera peruna
che de aer a bois babbu e mama
ca m'azis dadu forza, briu e ghia.

Prego pro vois sa menzus fortuna
de poterezis lograre 'ogni brama
chin salude, benessere e allegria.

Efiseddu Pau (Torpè)