Sorte crudele, proite m'ispinghes
a fagher cosas chi non poto prusu?
Finzas su pàris m'est a puntissusu
cando tue in falàda lu dipinghes.

Com'a m'apoderare mi custringhes
ca milli e una orta m'as illusu.
Ma ti pretzeto, dai como in susu,
no mi tentes pius ne mi lusinghes!

Bae in ora mala! traitora!
Ti dispretzo, rinnego, non ti cherzo
pius accante, cando benit s'ora....

de sa vida sos aidos aberzo
a sa tantu timìd'accabadora
e su corpus e s'anima l'oferzo!

Mentzione de Onore, Premiu de Poesia "S'Isciareu" - Flussio 2015