In sa notte iscura e tempestosa
A passu lestru acchirran dae su monte
Garrigos de pena e mala sorte
Ca an coladu una vida dolorosa

Donzunu at sa vamilla de campare
E de l’abbratzare at su dissizu
Senna sa mama issettat custu izu
Timenne chi non pothat prus torrare.

Est sa vida de chie bat a bannidare
O de chie in cumpanzia abarrat solu
Isse puru at bisonzu de cossolu
Ca b’at pena chi non cheret iscontare.

Custa notte est istadu borthunadu
Carabineris non b’aiat a issettare
Unu cras no est sicuru ‘e bi torrare
Ma oje su destinu b’at pessadu.