In mudesa, istanotte
ti miro e respiro,
bene meu
de s’inchizida tua sa dultzura…
trémulat
s’ànima mia
a s’istripittu ‘e sas laras tuas.

Tra dillos de umbras
imbojadas,
in bratzos tuos
carigno
fruas de amore,
ispijada in su lugore
‘e sos ojos tuos de mele.

Prenda amada,
ogni pessu t’affianzo
chei sa prima lughe ‘e s’albéschida
ch’incunzat su treme-treme
de sos isteddos,
in s’alentu ‘e sa notte.

Deo e tue…
addae ‘e s’iscurigore
de custu apposentu,
addae ‘e ogni lacana.
Imbojados
in-d unu fogu reberde,
réndidos in s’impetu ‘e su disizu.

Sas manos tuas
intritzidas a sas mias
sun un’abbentu ‘e sole
ch’ingalenan peleas…
intzertu ‘e una notte,,, chena tempus.

Terza in su premiu Tàtari Cullèziu 27 de maju 2017