Bentu
di Giovanni Soro

Istanotte mi trìulas sas benas,
bentu forte, chi 'enis da-e ponente!
e... t'isculto, cun su coro innotzente,
bisende dulches sas oras serenas.

Sas melodias cun sas manos pienas,
Cuntentu giogulas a donzi zente…
Prite como ti firmas de repente?
Prosighi forte, lèache sas penas!

Lassami inoghe solu a contemplare
Su movimentu pàsidu 'e sa luna
Da-e nues biancas carignada…

Cun daju lassami custa nottada
Ca devo saludare calicuna
Ch'isettat pro mi poder abbratzare.