S’indi serrat sa ecca
De un’atra dì manna ‘e cabudanni,
nuis de pruini chi su tallu pesat
si spraxint’in s’airi -
cun su sonu de pitiolus;
‘tzaulat su cani -
beulat s’angineddu
e srubiat su pastori,
i a sighiri cuddu tzerriu:
Torr’a corti!

Est jai notti in custu trettu –
Cun s’airi scuriosa,
sene steddus in firmamentu
chi donghinti luxi de abettu
po un’in-crasi prus serenu.
Notesta puru nci passat preitzosa
allonghiendi oras de axìu e pensamentu
chi trumbullat bisus e pasiu.

Ma eccu chi obrexit, tottinduna su soli
T’amostat sa natura arrosiada,
sa dì èst finze bella - cun s’airi scrariada
de unu ‘entu carignosu
chi nd’iscoberit clima silenziosu,
no s’intendit pitiolus!
Su cani ‘mancu ‘tzaulat
e s’angionedda no beulat prusu.

Stiddius de arrosu in campu ‘e dolu
Anti pintau coru de amargori
E de arrubiori sa pastura
Innui crexit arrori e tristura,
No nc’è cantu né srubiu de pastori
Mentris girat su ‘entu ‘e disconsolu.

VENTO DI SCONFORTO

Se ne chiude il cancello / Di un altro lungo giorno di settembre,/ Nuvole di polvere mosse dal gregge/ Si disperde nell’aria/ Con il suono di campanacci,/ L’abbaiare del cane/ Il belare dell’agnello,/ Il fischiare del pastore/ E a seguire il solito richiamo:/ Torna in corte! / Si fa notte, in questo tratto / Con l’aria oscurata,/ Senza stelle in firmamento/ Che diano luce di speranza/ Per un domani più sereno./ Pure sta notte passa pigramente,/ Allungando ore d’ansia e pensieri /Che turbano sogni e riposo./ Ma ecco l’alba e in un baleno il sole / Ti mostra la natura rugiadosa,/ Il dì è bello - con l’aria rischiarita/ Da quel vento carezzevole/ che ne scopre il clima silenzioso;/ Non si odono sonagli!/ Il cane manco abbaia/ E l’agnellino non bela più./ Gocce di brina nel campo del dolo/ Hanno dipinto un cuore di amarezza / E la pastura di rossiccio colore/ Dove cresce terrore e tristezza /Non c’è canto ne fischio del pastore/ Mentre gira il vento di sconforto.

Poetas in Orane- 2015 - Premio Segnalazione