Non apo fortza, non apo energia
su tempus m'at de brios ispetzadu
non bio ne intenno e so atzegadu
camino male cun malinconia
so pianghenne sa cara e bona Antònia mia
ca m'at pro sessant'annos
sèmper bene acumpagnadu
oe so che puzoneddu ildaladu
a cìuolos de pena solu ebbìa
ma passièntzia naro firmamente
su tempus a totus faet gai
a nudda balet èsser prepotente
mèngius a viver ùmile sa vida
e su decoro a non lu perder mai
mancu in sa betzesa trista e addolorida
in suferèntzia seo note e die
sèmper preganne a Deus e a tie.