| Binu de Vincenzo Pira |
 |
| In sas costas
assoliàs de Oddoene e Filieri frumenes de suore han fattu de una terra sidìa, irmenticà dae su tempus, unu locu de miraculu. Binnennadoras ischìas cantande e ridende trattant cada prudone che prenda de valore e battunt ganas de vida in ue b’aiat disisperu. In donnia magasinu faìnas de manos mastras travallant chin sabedoria su fruttu de sa ‘ide ischidande s’attesa de sas festas benidoras. Binu regale chi ch’istichit sa miseria ponet su saviu a cantare e su etzu a ballare e bestit cada barraca che domo de sinnore. Cambiat in allegria donnia tristura aumentande s’amistade. Iffusta dae sos menzus vinos de sas terras durgalesas bos torrat gratzias s’anima mia. |
|
