Binu baruniesu,
de s’amada terra
gollis tottu sos segretos,
nuscos dilicados
in beranos primmidios,
manzanos d’ent‘e mare,
su sole caent’a mesudie
e s’aghina drimpida,
manizzada chin amore.
In donzi guzzu
tue ses vida,
art’e poesia,
identidade,
armunia
e bellesa,
sa sapientzia
de mama Natura
in s’incant’e cussas binzas.
Binu baruniesu,
ispregh’e s’anima,
caentas su coro
e m’ammentas
dies nodidas,
festas mannas in sas biddas,
ballos, tenores,
sos bellos versos rimados
a pes de su Mont’Arbu.

Segnalata dalla Giuria al Premio Viniscola 2016