Bisiones
di Giovanni Fiori

Cuartinas de noenàrios

Da’ intro sa nue niedda
che tùrulos fattos a catta 1
s’accerat sa luna-cattedda
e bestit sos montes de pratta;

allughet attesu sa sedda 2
in paris che una saffatta…3
S’intendet su ferru4 ‘e sa chedda
paschende aunida e attatta.

E cantat in benas su briu
s’amore su chertu sa gana.
E narat: oh, gràscias so ‘iu
est frisca s’antiga funtana!...

Sos sulcos abberin su criu
mudende sa terra luzana. 5
Su pettus est sempre unu riu…
S’abbrandat sa tzérrima 6 cana.

_______________________________________
1 a catta - come un tuorlo schiacciato; oos a catta (frissos); sas cattas, dolce casalingo.
1 sedda - luogo pianeggiante, pianoro.
3 saffatta - vassoio.
4 su ferru - i campanacci del gregge.
5 luzana - terra argillosa e fertile
6 tzérrima - ostinazione, caparbietà.